इनरुवा । इनरुवा नगरपालिका स्वास्थ्य शाखाबाट संद्यिय ससर्त अनुदानतर्फ स्वीकृत कार्यक्रममा अनियमितता भएको ठहर महालेखा परिक्षकको कार्यालयले गरेको छ ।
इनरुवा नगरपालिकाका मेयर केदार भण्डारीलाई महालेखा परिक्षकको कार्यालय प्रादेशिक लेखापरिक्षक महानिर्देशनालय प्रदेश नम्बर एकले २०७९ असार २४ गते बुझाएको लेखापरिक्षण प्रतिवेदनमा अनियमितता भएको उल्लेख गरिएको छ ।
महालेखा परिक्षकले संद्यिय ससर्त अनुदानतर्फको कार्यक्रम स्वीकृत कार्यक्रम फरक पारी खर्च गरेकाले अनियमितता भएको ठहर गरेको हो ।
प्रदेश आर्थिक कार्यविधि नियमावली २०७५ को नियम ३९ मा स्वीकृत बजेट समबन्धित खर्च शिर्षकबाट गर्नुपर्ने ६ लाख ६२ हजार ४ सय ४२ रुपैयाँ खरिदमा स्वीकृत कार्यक्रम फरक पारि भुक्तानी भएको रकम अनियमितता भएको ठहर गरेको हो ।
महालेखा प्रतिवेदनमा ससर्त अनुदानतर्फको भौचर नम्बर ७८।०७८।१०।२३ को स्वीकृत कार्यक्रम राष्ट्रिय महिला स्वयम्सेविका कार्यक्रम पोसाक प्रोत्साहन र यातायात खर्च बार्षिक समिक्षा गोष्ठीतर्फको ९८ हजार ८ सय रुपैयाँबाट कम्प्युटर खरिद गरिएको बिल पेश गरि अनियमितता गरेको ठहर प्रतिवेदनमा उल्लेख गरिएको छ ।
यसैगरि भौचर नम्बर २५५। २०७८।३।१८ को स्विकृत कार्यक्रम मातृ तथा नवजात शिशु कार्यक्रम अन्र्तगत आमा सुरक्षा गर्भवती उत्प्रेरणा सेवा न्यानो झोला वापतको ३७ हजार ५ सय १०
रुपैयाँबाट भत्ता वितरण गरि अनियमितता गरेको ठहर प्रतिवेदनमा उल्लेख गरिएको छ ।
प्रतिवेदनमा २६४।०७७।३।२१ को आधारभुत स्वास्थ्य केन्द्र संचालन खर्च वापतको ४ लाख ८२ हजार १ सय ४९ रुपैयाँ शौचालय निर्माणमा खर्च गरि अनियमितता गरेको ठहर प्रतिवेदनमा उल्लेख गरिएको छ ।
