इनरुवा । जिल्ला अदालत सुनसरीबाट विभिन्न अपराधमा सजाय तोकिएपनि सजाय नकाटी फरार रहँदै आएको पाँच दर्जन फरारीहरुलाई सुनसरी प्रहरीले एकै दिन पक्राउ गरेको छ ।
जिल्ला प्रहरी कार्यालय सुनसरीबाट बिशेष टोलि गठन गरी फरार प्रतिवादीहरु पक्राउ अभियान चलाईएकोमा अदालतबाट घोषित विभिन्न मुद्दामा फरार प्रतिवादीहरूलाई मंगलबार ६१ जना पक्राउ गरी सुनसरी जिल्ला अदालत समक्ष बुझाइएको प्रहरीले जनाएको छ ।
आ.ब.०७९÷०८० मा २ महिनाको अवधिमा जिल्ला प्रहरी कार्यालय सुनसरीले अदालतबाट कैद तथा जरिवाना तोकेका १३० जना फरार प्रतिवादिहरुलाई पक्राउ गरी निजहरुबाट २६ बर्ष ८ महिना ३ दिन कैद र ४ लाख २० हजार ३४ रूपैँया जरिवाना असुल गर्न सफल भएको जनाएको छ ।
