इनरुवा । जिल्ला प्रहरी कार्यालय सुनसरीले इनरुवाको एक निजी विद्यालयको स्कुल बसका चालकलाई मादक पदार्थ सेवन गरि बस चलाउदै गरेको अवश्थामा फेला पारी पक्राउ गरेको छ ।

प्रहरीका अनुसार इनरुवा नगरपालिका २ नम्बर वडा स्थित बिहिवारे हाट नजिक रहेको पारिजात पब्लीक स्कुलका बस चालक किशुन ऋषिदेवले मादक पदार्थ सेवन गरि स्कुल बस चलाएको पाइएपछि पक्राउ गरिएको हो ।

पारिजात पब्लीक स्कुलको विद्यार्थी ओसारपसार गर्नका लागि प्रयोग गरिएको को १ क २२७८ नम्बर बसका चालक ऋषिदेवलाई नियन्त्रण लिएर कानुनी कारवाही प्रकृया अगाडी बढाएको छ ।

प्रहरीले सुचनाका आधारमा सवारी चालक किशुन ऋषिदेवलाई बसमा विद्यार्थी राखेर सवारी चलाउदै गर्दा नियन्त्रणमा लिएर मापसे चेकजाँच गर्दा उनले मदिरा सेवन गरेको फेला पारेको थियो ।

प्रहरीले अभिभावकहरुलाई आफना बालबालिका अध्यय्न गर्ने विद्यालयको सवारी साधन स्कुल बसका चालकको चालचलनका ’boutमा जानकारी लिन र उक्त सवारी चालकको चालक अनुमती पत्र लिए नलिएकोसमेत जानकारी लिन अनुरोध गरेको छ ।

अभिभावकले पुर्व सावधानी अपनाउदै आफना छोराछोरी पढने विद्यालयको ’boutमा चासो लिदा समबन्धीत पक्ष सचेत हुने भएकाले भविष्यमा कुनै अप्रिय घटना हुनबाट जोगिने भएकाले खबरदारी गर्न अभिभावकलाई प्रहरी अनुरोध गरेको छ ।

स्कुल बसले विद्यालय आउने १ सय देखी १ सय ५० जनासम्म बालबालिकालाई एकपटक कोचाकोच गरि बस भित्र खादेर ओसारपसार गर्दा ग्राभेल सडक कच्ची सडक र खाल्डा खुल्डीमा बसमा सवार बालबालिकाहरु घाइते हुने गरेको गुनासो अभिभावकहरुले गर्दै आएका छन ।

इनरुवा तथा आसपासका अधिकाश निजी विद्यालयले पुराना सवारी साधन खरिद गरि विद्यालयमा आउने बालबालिकालाई ओसारपसार गर्ने र न्युन ज्याला दिएर सिकारु सवारी चालकलाई बस चलाउन लगाउने गरेको अभिभावकहरुको गुनासो रहेको छ ।

अघिल्लो लेखमामालपोत कार्यालय इनरुवाको बेथिति ःनजराना दिनेको जग्गा पास, नदिनेको पेण्डिङमा
अर्को लेखमाखसि चोरी गर्ने इनरुवाका युवा पक्राउ

जवाफ छाड्नुस्

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्