इनरुवाको कार्यपालिकामा कांग्रेसको बहुमत हुदा तीन दलका उम्मेदवार

इनरुवा । नेपाली कांग्रेसका तर्फबाट निर्वाचित जनप्रतिनिधिहरुको स्पष्ट बहुमत रहेको इनरुवा नगरपालिकाको कार्यपालिका सदस्य पदका लागि तीन दलले उम्मेदवार उठाएका छन ।

मुख्य निर्वाचन अधिकृतको कार्यालय इनरुवामा बुधवार कार्यपालिका सदस्य पदका लागि नेपाली कांग्रेस, नेकपा एमाले र लोकतान्त्रिक समाजवादी पार्टीका तर्फबाट उम्मेदवारी दर्ता भएको हो ।

निर्वाचन अधिकृतको कार्यालयका अनुसार निर्वाचित महिला जनप्रतिनिधि मध्येबाट ५ जना निर्वाचित हुने कार्यपालिका सदस्यमा १० जनाको उम्मेदवारी दर्ता भएको छ ।

यसैगरि दलित अल्पसख्यक तर्फ ३ जना निर्वाचित हुने कार्यपालिका सदस्यका लागि ६ जनाको उम्मेदवारी दर्ता भएको छ ।

नेपाली कांग्रेसका तर्फबाट दलित अल्पसंख्यक तर्फको कोटामा इनरुवा १ का बिनोदकुमार अटल, इनरुवा २ का योगेन्द्र शर्मा र इनरुवा ९ का झनझनी चौधरी भोरले उम्मेदवारी दिएका छन ।

कांग्रेसका तर्फबाट निर्वाचित महिला जनप्रतिनिधिबाट उम्मेदवार हुनेमा इनरुवा २ की रञ्जु पौडेल, इनरुवा ६ की सविता सुवेदी र अनुपा मोची, इनरुवा ७ की रम्भुदेवी सरदार इनरुवा १० की मिरादेवी सरदार रहेकी छिन ।

यसैगरि नेकपा एमालेका तर्फबाट दलित अल्पसंख्यक तर्फको कोटामा इनरुवा १ का कैलाश पंचारिया, इनरुवा ९ का रोशन शर्मा खत्वे रहेका छन ।

नेकपा एमालेका तर्फबाट निर्वाचित महिला जनप्रतिनिधिबाट उम्मेदवार हुनेमा इनरुवा ३ की सविना सिग्देल, इनरुवा ५ की शारदा भट्टराई र इनरुवा ८ की देवि महत्तो रहेकी छिन ।

लोकतान्त्रिक समाजवादी पार्टी लोसपाबाट दलित अल्पसख्यक तर्फको कोटामा इनरुवा ७ का किशोरकुमार सिहं खबासले उम्मेदवारी दर्ता गराएका छन ।
लोसपाबाट निर्वाचित महिला जनप्रतिनिधिबाट उम्मेदवार हुनेमा इनरुवा ४ की दिलकुमारी बस्नेत र भुट्टीदेवी मुसहर रहेकी छिन ।

इनरुवा नगरपालिकाको कार्यपालिका निर्वाचनमा ५२ जना निर्वाचित जनप्रतिनिधि मतदाता रहेका छन । जसमा नेपाली कांग्रेसका तर्फबाट ३० जना, नेकपा एमालेका तर्फबाट १७ जना र लोसपाका तर्फबाट ५ जना निर्वाचित भएका छन । कार्यपालिका सदस्यमा निर्वाचित हुन २७ मत ल्याउनु पर्ने हुन्छ ।

बुधवार मनोनयन दर्ता गरेका उम्मेदवारहरुले उम्मेदवारी फिर्ता लिने, उम्मेदवारबिरुद्ध उजुरु दिने र अन्तिम नामावली प्रकाशन विहीबार भएपछि शुक्रवार निर्वाचन हुने कार्यक्रम रहेको छ ।