इनरुवा । भर्खरै सम्पन्न स्थानीय तहको निर्वाचनमा सुनसरीका मेयरदेखि वडाध्यक्षसम्मका २९ जना उम्मेदवारहरु आफैले आफैलाई मत नहाल्नेदेखि अधिकतम पाँच मत मात्रै प्राप्त गर्नेहरु रहेको पाईएको छ ।

निर्वाचनमा आफ्नो एक मत मात्रै पाउने वडाध्यक्षका उम्मेदवारहरुमा इटहरी उपमहानगरपालिका वडा नम्बर ३ का स्वतन्त्र उम्मेदवार लालबहादुर थापा, इनरुवा नगरपालिका वडा नम्बर ३ मा नेकपा मालेका उम्मेदवार सन्तोषकुमार दाहाल, दुहबी नगरपालिका वडानम्बर ७ मा कांग्रेस बीपीका उम्मेदवार सुरेशकुमार भगत, गढी गाउँपालिका वडा नम्बर ११ को नेकपा एकीकृत समाजवादीका उम्मेदवार अलि हुसेन मियाँ, देवानगञ्ज गाउँपालिका वडा नम्बर ४ मा लोकतान्त्रिक समाजवादी पार्टीका उम्मेदवार अर्जुनप्रसाद मेहता र धरान उपमहानगरपालिका वडा नम्बर १६ का स्वतन्त्र उम्मेदवार कुलबहादुर मगर रहेका छन ।

त्यस्तै दुईदेखि पाँच मतसम्म ल्याउने वडाध्यक्षका उम्मेदवारहरुमा दुहवी नगरपालिका वडा नम्बर १० मा लोकतान्त्रिक समाजवादी पार्टीकी उम्मेदवार अनिताकुमारी मोचीले ४ मत, कोशी गाउँपालिका वडा नम्बर २ मा लोकतान्त्रिक समाजवादी पार्टीकी उम्मेदवार फुलोदेवी साहुले ५ मत, धरान उपमहानगरपालिका वडा नम्बर १० मा संघीय लोकतान्त्रिक राष्ट्रिय मञ्चका उम्मेदवार फूलमाया तामाङले २ र धरानकै ३ नम्बर वडामा सोही पार्टीका उम्मेदवार दिलकुमारी राईले ४ मत पाएका छन ।

त्यस्तै निर्वाचनमा १० मतभन्दा कम ल्याउने प्रमुख र अध्यक्षका उम्मेदवारहरूको संख्या पनि ठूलो देखिएको छ ।

इटहरी उपमहानगरपालिकाको प्रमुख पदमा स्वतन्त्र रुपमा उम्मेदवार बनेका झमकबहादुर कार्कीले १ मत, खगेन्द्र पौडेलले आफ्नो मतसमेत पाएका छैनन ।

इनरुवा नगरपालिकाको मेयर पदमा स्वतन्त्र रुपमा उम्मेदवारी दिएका निकेश पोखरेल र भीष्म आचार्यले समान एक एक मत अर्थात आफ्नो मात्रै मत पाएका छन ।

त्यस्तै रामधुनी नगरपालिकाको मेयर पदमा स्वतन्त्र रुपमा उम्मेदवार बनेका नोबेल चौधरी र रेवतराम गुरुङले आफ्नो मात्रै समान एक एक मत पाएका छन ।

सोही गाउँपालिकाको मेयर पदमा स्वतन्त्र रुपमा उम्मेदवार बनेका आशिष पौडेले ४, राजकुमार गौतमले ३ मत पाएका छन भने नेत्र ढकाल, रविन लम्साल, र माधव कट्ेलले आफ्नो समेत मत आफूलाई नहालेको स्थिति देखिएको छ ।

त्यस्तै धरान उपमहानगरपालिकाको आमुल परिवर्तन पार्टीबाट मेयर पदमा उम्मेदवार बनेका लोकेन्द्रबहादुर डंगोले ६, स्वतन्त्र उम्मेदवार सुवर्णशमशेर राईले पाँच, सूर्यबहादुर न्यौपानेले दुई, टोलकुमारी लुइँटेलले १ र सञ्जय पाण्डेले आफ्नो समेत मन नपाएको देखिएको छ ।

अघिल्लो लेखमाइनरुवाका किसानलाई धान खेती गर्न निःशुल्क बिउ वितरण
अर्को लेखमाइनरुवा ५ का जेष्ठ नागरिकलाई घरमै भत्ता

जवाफ छाड्नुस्

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्