ज्ञानेन्द्र कार्की इनरुवा ३ का टोल वस्तीमा पुग्दा मतदाता उत्साहित

0
94
Voters are excited when Gyanendra Karki reaches the village of Inaruwa 3
g karki

इनरुवा । सुनसरी क्षेत्र नम्बर ४ मा नेपाली कांग्रेसको तर्फबाट प्रतिनिधिसभा सदस्य पदको उम्मेदवार बनेका सञ्चार, सूचना तथा प्रविधि मन्त्री ज्ञानेन्द्रबहादुर कार्कीले आफू बस्दै आएको इनरुवा ३ मा मंगलबार पैदल घरदैलो गरेका छन ।

ठूलो संख्यामा कार्यकर्ता, समर्थक र सुभचिन्तकहरु सहित घरदैलोमा निस्किएका मन्त्री कार्कीले घर–घरमा पुगेर मतदातालाई हात मिलाउँदै भेट्नुका साथै चिया पसलहरुमा जम्मा भएका स्थानीयहरुसँग पसलमै पसेर हात मिलाउँदै भलाकुसारीसहित मत मागेका थिए ।

नेपाल सरकारको मन्त्री जस्तो ब्यक्ति मतदातालाई भेट्न घर घर र पसल पसलमा पुगेर आत्मीयता साटासाट गर्दा मतदाताहरु उत्साहित भएका थिए ।

इनरुवा ३ कृषि विकास बैंक अगाडिको चियापसलमा आएका मन्त्री हात मिलाएर भलाकुसारी गरेका सञ्जय मण्डलले भने, ‘मन्त्री जस्तो मान्छे, हामीसँग सहज रुपमा हात मिलाउँदै भलाकुसारी गर्नु भयो । उहाँ त साह्रै सहज र भद्र ब्यक्तित्व हुनु हुँदो रहेछ । नेता हुनु त उहाँ जस्तो।’

सोही चियापसलमा चिया पिएर बसिरहेका मन्त्रीका कार्कीको प्रमुख प्रतिष्पर्घीको रुपमा हेरिएका नेकपा एमालेका उम्मेदवार जगदिश कुसियैतका भजिता अजय कुसियैतसँग पनि मन्त्री कार्कीले हात मिलाएर भोट मागेका थिए ।

मन्त्री कार्कीले राजनीतिक प्रतिष्पर्घा आफ्नो ठाँउमा भएपनि आफूहरु सबै एकै क्षेत्रका नागरिक भएकोले भेट्दा मत मागेको बताउँदै राजनीतिक प्रतिष्पर्घा र ब्यक्तिगत सौहार्दता फरक विषय भएको बताए ।

अजय कुसियतले आफूहरु सधै चिया पिउने ठाँउमा उम्मेदवार कार्की आएर आफूसँग हात मिलाएको बताए ।

मर्निङ वाकमा हिडिरहेका मुकुन्द खनालले मन्त्री जस्तो ब्यक्ति सुरक्षाको तडकभडक विना जनतासँग भेट्न आउँदा खुसी लागेको बताए । उनले मन्त्रीहरु निर्वाचनभन्दा अरु समयमा पनि यसरी नै जनतालाई भेट्न र कुरा सुन्न आउने हो भने राजनीतिक संस्कारमा आमुल परिवर्तन आउन सक्ने धारणा राखे ।

सो क्रममा कार्कीले इनरुवा ३ सखुवागाछीदेखि इनरुवा ३ हुलाक एरियालगायतका क्षेत्रका मतदाताहरुलाई भेटघाट गरेर आगामि मंसिर ४ गते हुने निर्वाचनमा विकासको पक्षमा मतदान गर्न आग्रह गरेका थिए ।

उनले आफू राजनीतिक रुपमा प्रतिष्पर्घा गर्ने भन्दा विकासको काममा प्रतिष्पर्घा गर्दै सुनसरी ४ को ऐतिहासिक विकास गर्ने उद्देश्यसाथ आएको र पहिला कार्यकालमा धेरै विकास गरेको उल्लेख गर्दै पुनः निर्वाचित भए अहिलेको तुलनामा चार दोब्बर बढी विकासका कामहरु गर्ने प्रतिबद्धता ब्यक्त गरेका थिए ।

अघिल्लो लेखमाभीम र रामप्रसाद सुनसरी २ नम्बरका निराश जनताको आशा जीवित राख्ने विकल्प बन्ने रणनीतिमा
अर्को लेखमाभगवतीको चुनावी माहौल तताउन गच्छदारकै कार्यकर्ता भित्रभित्रै परिचालित

जवाफ छाड्नुस्

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्