लोसपाका उम्मेदवार गाउटोलमा मतदाता तताउदै माहौल बनाउदै

0
17
LOSPA candidate creating atmosphere by heating up the voters in Gautol
losapa

इनरुवा । सुनसरी ४ नम्बर निर्वाचन क्षेत्रमा लोकतान्त्रीक समाजवादी पार्टी लोसपाका उम्मेदवाहरुले मतदाताका बिचमा घरदैलौ अभियान चलाउदै उम्मेदवारका पक्षमा माहौल बनाउन थालेका छन ।

सुनसरी ४ ख प्रदेश सभा सदस्यका उम्ेमदबार सन्तोष मेहताले घरदैलोमा मतदाताले अपेक्षा गरे भन्दा बढी माया सम्मान गर्दै स्वागत गरेकाले आफुहरुले राजनितिक रुपमा चुनाव जितीसकेको दावी गरे ।

कात्तिक १७ गतेदेखी निरन्तर रुपमा घरदैलोमा व्यस्त रहेका मेहताले मतदाताको लहर ठुला दलको पक्षमा भन्दा इमान्दार नेताको पक्षमा रहेकाले गाउ वस्तीमा लोसपाका पक्षमा माहौल गठबन्धन भन्दा आफूहरु तिर रहेको बताए ।

प्रतिनिधिसभाका उम्मेदवार कुञ्जीलाल यादवले भने मतदाताको साथ, सहयोग र स्नेहले चुनाव जित्ने माहोल बन्दै गएको छ , चुनावमा विगतका पार्टीहरुलाई र उनीहरुका उम्ेमदबारहरुलाई गरेको मतदानबाट खासै विकास र परिवर्तन नभएकाले यसपटक लोसपालाई मतदात गर्न मतदाताहरु मंसिर ४ गतेको प्रतिक्षामा रहेको छ ।

प्रोफेसरसमेत रहेका उम्मेदवार यादवले लोसपाको चुनावी अभियानको क्रममा कांग्रेस र एमालेको गठबन्धनबाट रुष्ट धेरै स्थानीय नेता तथा कार्यकर्ताहरु जोडिन आईपुगेको भन्दै उनीहरुको भावनालाई आत्मासात गरि घरदैलोमा पाएको साथले चुनाव जित्ने विश्वास बढेको बताए ।

प्रतिनिधिसभा सदस्य उम्मेदवार कुञ्जिलाल यादव र प्रदेशसभा सदस्य ४ (क)मा नुनुलाल उराँवसहित घरदैलोमा पुग्ने टोलीलाई मतदाताले स्वागत गर्दै जनताका पक्षमा काम गर्ने प्रतिवद्धता भएका उम्मेदवारलाई साथ दिने विश्वास दिलाएकाले लोसपाले मतदाताबाट राजनितिक सफलता पाएको मेहताले बताए ।

लोसपाले सुनसरी ४ नम्बर क्षेत्रमा ठूला पार्टीबाट ठगिएका मतदाता फकाउँदै आफ्नो पक्षमा चुनावी माहौल बनाउन लागि नेताकार्यकता सबै लागिपरेको दावी गरेको छ ।

अघिल्लो लेखमामन्त्री कार्की सभा र जनप्रर्दशन गर्दै, जगदिश र अब्बास एक्ला एक्लै गाउँ पस्दै मतदाता रिझाउदै
अर्को लेखमाभगवतीलाई बाटोमा फुलमाला अविरले स्वागत गर्ने मतदाता गच्छदारलाई आगँनमा देख्दा घरभित्रै लुक्छन

जवाफ छाड्नुस्

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्